Коронавирус дене кылдалтше чарымашым уэш лушкыдемденыт

Коронавирус дене кылдалтше чарымашым уэш лушкыдемденыт. Регион вуйлатыше А.Евстифеев Республике   правительствын постановленийышкыже ешартышым пуртен.  Документ дене келшышын, Россий Федераций да Марий Элысе сборнйыште шуаралтше спортсмен-влакым ямдылыше спорт объект-влак тичмашнек пашам ыштен кертыт. Ты марте нуно палемдыме кугыт гыч 50 процентшым веле пуртен кертыт. Тыгак гостинице, пансионат, каныме базе, санаторий, идалык мучко пашам ыштыше йоча лагерь-влак, республикыште верланыше санаторно-курортный оргнизаций-влак пандемий дечын ончысо семынак еҥ-влакым вашлийын кертыт. Ты марте туштат мыняр еҥым пуртен кертме гыч, 50 процентшылан веле пураш лийын. Муниципал да республике кӱкшытан таҥасымаш-влак ты марте ончышо дечын посна эртеныт гын, документышке пурышо вашталтыш дене, объектыште улшо шинчыме вер гыч 30  процентыштыже ончышо-влак лийын кертыт. Тыгодым нуно 1, 5 метр социальный дистанцийым кучышаш улыт. Постановлений дене клуб, тӱвыра полат да калык усталык пӧрт-влак пашам ыштен кертыт.