Турист-увер рӱдер «Твой сувенир — YOur souvenir» проектым илышыш шыҥдара

Йошкар-Оласе историй тоштер пелен ыштыше Турист-увер рӱдер «Твой сувенир — YOur souvenir» проектым илышыш шыҥдара. Ты проект дене тудо Марий Эл Республик вуйлатышын республикыш толын коштмо да республике деч ӧрдыжкӧ лектын коштмо туризм сферыште увертарыме грантым сеҥен. Регионыш толын коштшо турист-влакын республикын символикыже дене кылдалтше сувенир-влакым ямдылат. Тиде ручка, блокнот, пакет, значок, конверт, открытке, кӱсеныш пыштыме календарь, термокружка, свитшот, путешествийыш пырля коштыктымо кӱпчык да молат. Варажым тыгай сатум тӱнямбал, Россий кӱкшыт турист форумлаштат ончыкташ тӱҥалыт.