Озанлык-влак регинышто ыштыме валовый продукт гыч 20% луктыт

Республикысе ялозанлык-экономикым вияҥдыше отрасль. Таче кечын озанлык-влак регинышто ыштыме валовый продукт гыч  20 процентшым луктыт. Ялозанлык пашаеҥ-влак коллегийыште пашаштым иктешленыт, тыгак ончыкыклан планым ыштеныт. Шылым ыштен налме, пакчаскам да пареҥгым куштымо дене мемнан республике Юл кундемысе федерал округышто ончыл верыште. Ялозанлык пашам вораҥдараш, але тӱҥалаш шонышо-влаклан кугыжаныш полыш ойыралтеш. Кызыт гын озанлык пашаеҥ-влакын уржа-сорла жап. 2 сентябрьысе данный дене, республикыште ӱдымӧ кумдык гыч 55 % пырчым поген налыныт. Медведево, Курыкмарий, Оршанка районышто уржа-сорла писын кая. Тушто ӱдымӧ пасула гыч 70% пырчым поген налыныт.  Пареҥгым да пакчаскамат озанлыклаште луктыт.