Марий Элыште у тунемме ий тӱҥалме дене ийготыш шудымо-влаклан «комендат шагатым» пуртат

Марий Элыште у тунемме ий тӱҥалме дене ийготыш шудымо-влаклан «комендат шагатым» пуртат. 1 сентябрь гыч 18 ияш марте йоча-влак 22 шагат гыч 6 шагат эр марте тӱшка верлаште ача-ава але законный представительышт дечын посна коштшаш огытыл. Йоча-влак тиде законым пудыртат гын, ача-ава-влаклан штрафым пуат. Йӱдым ийготыш шудымо-влак урем, парк, сквер, стадион, тӱшкан пайдаланыме транспорт, интернет клублаште, ужалымаш объектлаште лийшаш огытыл. 22 шагат дечын вара полиций пашаеҥ-влак самырыкъеҥым ужыт гын, полиций пӧлкаш наҥгаят. Тушто йочан кӧ улмыжым, илыме вержым, ача-ава нерген уверым рашемдат.