Республикысе тӱвыра, печать да калык-влакын пашашт шотышто министрын алмаштышыже Михаил Матвеевлан «Марий Эл тӱвыран сулло пашаеҥже» чап лӱмым пуымо

Республикысе тӱвыра, печать да калык-влакын пашашт шотышто министрын алмаштышыже Михаил Матвеевлан «Марий Эл тӱвыран сулло пашаеҥже» чап лӱмым пуымо. Тидын шотышто Указым регион вуйлатыше Александр Евстифеев 3 сентябрьыште пеҥгыдемден.  Михаил Иванович республикыште веле огыл, марий тӱняште палыме еҥ. Тудо Кўшыл шинчымашым Марий кугыжаныш университетыште налын. 10 ий  тудо «Марий Эл» телерадиокомпанийыште журналистлан пашам ыштен. «Запредельные марийцы» программа цикллан Олык Ипай лўмеш кугыжаныш премий дене палемдалтын. Ятыр ий «Кугарня» газетын тÿҥ редакторжо, директоржо лийын, Шкетан театрым вуйлатен, кызыт Тӱвыра, печать да калык-влакын пашашт шотышто министрын алмаштышыже.