Крымыште марий пайрем

Крымыште марий пайрем. Севастополь олаште «Угиндым» палемденыт. Марий кундем гыч тушко делегаций каен. Тиде «Россий марий-влак» калыкле тӱвыра автономийын председательже Лариса Яковелева, марий тӱвыра рӱдерын вуйлатышыже Наталья Пушкина, мурызо Светлана Яндукова да молат каеныт. Мероприятийыште кидмастар Лидия Веткина марий тӱрын ойыртемжым ончыктен, Виталий Кудрявцев вӱдуа гыч пидме мастарлыкше дене куандарен, Галина Волкова марий когыльым ыштен, а Пошкырт кундем гыч Алексей Ипулаев олым шиялтышым ыштен. Палемдыман, Севастополь олаште марий-влакын «Элнет» мер ушемже уло. Тушко марий муро, тӱвырам жаплыше-влак погынат.