Марий Элыште коронавирус дене черланыше-влакын чотышт шукемеш
15:37, 15-09-2020. Разместил: zhannk
Марий Элыште коронавирус дене черланыше-влакын чотышт шукемеш. Пытартыш суткаште 22 еҥын лабораторно тиде вирусым пенгыдемденыт. Пандемий тӱҥалме дечын вара республикыште 4500 наре еҥ черланен, 46 еҥ ӱмыр лугыч лийын, эше икте пытартыш суткаште. Инфекционный стационарыште 368 еҥ эмлалтеш, утларакшын -пневмоний, 7 еҥ - шодын искусственный вентиляцийыште, 168 кислород полшымо дене шӱлат. Ушештарена, Марий Элыште утларак ямде улмо режимым 27 сентябрь марте шуйымо. Республикыште кевыт, ужалыше рӱдер, школ да йочасад-влак пашам ыштат. Аракам ужалымаш шотышто чарымашым кораҥдыме. Тыгодым врач-влак маскым чияш да социальный дистанцийым эскераш темлат.
Вернуться назад