Версия для печати > Марий гармоньчо-влак фестивальыште ГРАН-ПРИ дене палемдалтыныт

Марий гармоньчо-влак фестивальыште ГРАН-ПРИ дене палемдалтыныт. Киров кундемыште гармоньым шокташ йӧратыше-влакын «Вятские хватские» лӱман фестиваль эртаралтын. Тений тудо шымше гана лийын. Тушко тӱрлӧ кундемла гыч семӱзгар дене шоктышо-влак чумыргеныт. Тиде Киров, Архангельск, Брянск, Удмуртий, Беларусь гыч. Марий Элын чапшым Шернур район гыч «Кас гармонь» ансамбль арален. Тудын участникше-влак Саша Иванов, Алексей Горинов, Петр Токтаров гармоньчо-влак да кум йыгыр иза-шольо Шабдаровмыт. Тыгак фестивальышке курыкмарий район гыч «Шындыр» ансамбль миен.