Студент театр-влакын фестивальже

15 сентябрьыште «Театральное Приволжье» фестиваль тӱҥалын. Декабрь марте регионышто ойырымо этап эрта. Фестивальышке самырык да студент-влакын коллективышт ушнат. Нуно шке пашаштым ончыктат, регионысо этапыште сеҥыше коллектив-влакын пашаштым социал воткылыште вераҥдат. Февраль тылзыште жюри иктешла. Тений «Театральное Приволжье» фестивальым Удмуртийыште 27 мартыште иктешлышаш улыт. Ӱмаште Марий Эл дечын фестивальыште Козьмодемьянск гыч «СемьЯ+» «Неужели меня нет» спектакльым ончыктен, студент театр-влак радамыште Республикысе тӱвыра да сымыктыш колледжын студентше-влак «Мой бедный Марат» спектакльым ончыктеныт. Жюри да эксперт-влак мемнан коллектив-влакын пашаштым кӱкшын акленыт.