Виктер пӧртыштӧ Юринысо паромный переправым чоҥымо йодышым каҥашеныт

Виктер пӧртыштӧ Юринысо  паромный переправым  чоҥымо йодышым каҥашеныт. Республикын районжо-влакым вияҥдаш инвестиций полшен кертеш. Тидын шотышто совещанийым регион вуйлатыше Александр Евстифеев эртарен. Каҥашымашке ончыкылык инвестор-влакат ушненыт: тиде «Флагман» Волжский судоходный компанийын» генеральный директоржо да «Нижегородская ярмарка» ушемын генеральный директорын советникше. Ончыкыжым нуно Юл эҥер гоч перевозко-влакым илышышке пурташ шонат. Компаний паромный переправылан судным налын. Тудо Юрино поселкым да Курыкмарий районысо Сумка селам ушышаш. Инвестор эҥер пундашым да серымат эрыкташ ямде. Районышко инвестиций шукемеш гын, ончыкыжым яллашке газымат пурташ йӧн лиеш.