Республикын районлаштыже фельдшер-акушер пункт-влакым ышташ тӱҥалыныт
15:27, 22-09-2020. Разместил: zhannk
Марий Турек район Марий Пыламарий селаште у ФАП-ым чоҥат. Тудым тошто оралте олмышто ыштат. Тиде ялысе ФАПым 25 ий утла Алевтина Андреевна Тихомирова вуйлата, Ольга Борисовна Кучергина 11 ий фельдшерлан тырша. Фельдшер акушер пункт икмыняр ялла гыч еҥ-влаклан полышым пуа. Тений кундемыште «Здравоохранений» национальный проектын «первичный медико-санитарный полышым вияҥдыме системе» регионысо проект дене 17 ФАП-ым ыштат. Нуным 100 гыч 2000 еҥ илыман яллаште чоҥат. Тений ФАП-ым 8 районышто ыштен шуктышаш улыт.
Вернуться назад