Тидын годым Федеральный ядерный рӱдерын пашаже дене палыме лийын. Тудо ‒ Российыште ик эн кӱлешан шанче объект. Тыште мемнан элыште икымше атомный бомбым ыштеныт, тачысе кечынат рӱдер элын лӱдыкшыдымылыкшылан вуйын шога. Саров шанче паша дене веле огыл чаплана. Юрий Зайцев Саровский пустыньын Свято-Успенский пӧръеҥ монастырьыштыже лийын. Тудо ‒ Российыште ик эн кугу. Туштак Серафим Саровскийын мощыжо аралтыт.