Тушко 900 утла самырык еҥ миен. Тыгак Шереметев замкын программыже-влакым 400 наре еҥ «Пушкин карте» дене аклен, Т.Евсеев лӱмеш калыкле тоштер 166 билетым ужален, Республикысе сӱретсымыктыш тоштер ‒ 160 утла. Чылаже ик тылзыште бюджет организацийлашке 2 тӱжем наре билетым «Пушкин карте» дене налыныт.
Ушештарена, «Пушкин карте» дене 14 гыч 23 ияш марте самырык-влак пайдаланен кертыт. Тушто кажне ийын 5000 теҥгем кугыжаныш колта, самырык-влак тудын дене театр, тоштерлшке, тӱвыра программышке коштын кертыт, тыгак 2000 теҥгем кинотеатрышке миен толаш ойыраш лиеш.