Тений шым тылзыште палемдыме лимит гыч пелыже утларак кучылтмо. «Илымвер да оласе среда» нацпроект дене Апшакплак ял марте корным чоҥеныт, тыгак Йошкар-Олаште йӱр вӱд йогымо канализаций системын 11-ше этапшым мучашленыт, 22 кудывечым да 34 тӱшка верым тӱзатеныт.
«Экологий» нацпроект дене чодыра пожарым йӧрташ 11 единице оборудованийым налыныт, Йошкар-Оласе канализацийын реконструкцийжын икымше этапшым мучашленыт.
«Тазалыкаралтыш» нацпроект дене Звенигово рӱдӧ эмлымверын зданийжым капитально тӧрленыт, тыгак 3000 утла мӱшкыран ӱдырамашлан полшеныт.
«Демографий» нацпроект дене иймаш спорт школлан у оборудованийым налыныт.
«Культура» нацпроект дене йоча сымыктыш школым семӱзгар дене пойдареныт.
«Изи да кокла предпринимательстве» проект дене самозанятый-влаклан 2 миллион теҥге наре микрозаймым ойыреныт.