Тиде маршрут Казанский вокзал гыч 19 шагатат 8 минутлан тарванаш тӱҥалеш. Йошкар-Олаш вес кечынже 9 шагатат 35 минутлан толын шуэш. Тыгодым ондаксе дене таҥастараш гын, у расписаний почеш поездын корнышто улмо жапше 30 минутлан кӱчыкемеш. «Тыгай вашталтыш пассажир-влакын йодмышт почеш пурталтеш», ‒ возен соцкыллаште «Кӱртньыгорно перевозко рӱдер» компанийын директоржо Александр Афанасьев.