Ушештарена, 26 апрельыште Марий Элыште кудымшо гана Кугу Отечественный сарын событийже-влаклан пӧлеклалтше диктант лийын. Мероприятий 500 утла площадкыште эртаралтын, диктантышке 6 тӱжем утла еҥ ушнен.
Марий Элын вуйлатышыже Юрий Зайцев «Сеҥымаш диктант» акцийыште сеҥыше-влакым саламлен. Тиде акций самырык-влакым историйыште лийыше факт-влакым чын умылаш полша. Тӱнямбал кӱкшытан проектын финалистын дипломжым Руэм поселкысо шуко профилян лицей-интернатыште 11 классыште тунемше Валерия Ятмановалан кучыктеныт.
(Фотом Марий Элысе Виктерын сайтше гыч налме)