Ноябрь мучаш марте Оршанка районышто Изи Кугланур ялысе Ошла эҥерыште вӱд аралыме верым эрыктен шуктат. Тиде паша кодшо ийын тӱҥалын. Тидлан 43 миллион теҥге ойыралтын.Марий Эл кызыт вес проектлан ямдылалтеш. Тиде ‒ «Экологическое благополоучие». Тудо Президент Владимир Путинын тӱҥалтышыже дене 2025 ий гыч шукталташ тӱҥалеш.
Регион 6 федерал проектлашке ушнышаш, иктыже ‒ «Вода России». Тудын дене вӱд объект-влакым эрыктат, тыгак гидротехнический сооружений-влакым капитально тӧрлат. Чыла тиде паша вӱд объект-влакым аралаш, да еҥ-влакын илыш условийыштым саемдаш келыштаралтыныт.