Регионышто тений шыжым ик сынан удостоверенийым пуаш тӱҥалыныт. Кызытсе жап марте мемнан кундемыште 6 тӱжем утла еш документым налын. Шуко шочшан еш статусым кумыт але утларак йоча ончышо-влаклан пуат. Социал полыш ешлан кугурак икшыве-влакын ийготыш шумекыштат ойыралтеш, тыгодым нуно очно тунемшаш улыт. 2024 ий тӱҥалтышыште Россий Президент Владимир Путин Указышке кидпалыжым пыштен. Тудын дене келшышын, шуко шочшан еш-влакын статусыштым федерал кӱкшытыштӧ пеҥгыдемдат.
Марий Эл Вуйлатыше Юрий Зайцевын темлымашыже дене регионысо закон-влакым федерал дене келыштареныт. Тений Марий Элыште еш-влаклан утларак тӱткыш ойыралтеш. Шуко шочшан еш, икшывым ашнаш налше, ава да йоча-влаклан тӱрлӧ полыш ойыралтеш. Юрий Зайцев шке телеграмм-каналыштыже возен, йочам утларак ышташ кумылаҥдымаш ончыкыжымат аралалтшаш.