Виловат ‒ Шӹндӹрйӓл кугорнын нылымше километрыштыже пашам шуктеныт. Контрактын акше ‒ 59 миллион теҥге. Ушештарен ойлаш гын, кӱртньӧ бетон кӱварым 38 ий ончыч, 1986 ийыште чоҥеныт. Верысе калык тудым шукертак тӧрлаш йодын, пашам «Лӱдыкшыдымӧ сай качестван корно» нацпроект дене шуктымо. Ойырымо окса дене кӱварым капитально уэмденыт: негызым пеҥгыдемденыт, асфальтым шареныт, барьер да перил авартышым ыштеныт.