1 октябрь гыч умдырлан, тудо 28 февраль марте шуйна, а 15 октябрь гыч ‒ ондатрым. Регионысо пӱртӱс поянлык департаментыште сонарзын календарьжым савыктеныт.Кызыт тыгак рывыж, енот пийым, ош мераҥым сонарлаш лиеш, тиде жап 28 февраль марте шуйна. Пирылан ‒ 31 март марте. 22 ноябрь марте ‒ вӱдыштӧ ийын коштшо кайыквусым, а 22 декабрь марте ‒ сар кайыквусым сонарлаш лиеш. Нергем 31 октябрьыште сонарлымаш мучашлалтеш.Специалист-влак ушештарат, сонарзе-влакын разрешенийышт да билетышт лийшаш. Тачысе кечын разрешенийым «Кугыжаныш услуго» портал гочат налаш лиеш.