Тудын жапыште 4 профессионал бой лийшаш. Йошкар-Олашке Российысе да йот элласе лӱмлӧ боксер-влак толыт. Тидын дене пырля Марий Эл гычат спортсмен-влакат рингыш лектыт. Юрий Зайцев тӱнямбал кӱкшытан турнирлан ямдылалтме оргкомитетым эртарен. Бокс дене тӱнямбал турнирым районласе кинозаллаште онлайн ончыктышаш улыт, тидын дене пырля федерал каналыште трансляций лиеш. 22 ноябрь марте мероприятийым эртарыме план-графикым ыштен шуктышаш улыт. Республике кажне гаяк ийын кугу таҥасымашым вашлиеш, тений, мутлан, Калык-влакын модмашышт лийын. Тушко 2 тӱжем утла спортсмен толын.(Фотом Марий Элысе Виктерын сайтше гыч налме)