27 самырык туныктышо шке профессионал шинчымашыжым, йоча-влак дене пашам ыштен моштымыжым да калык ончыко лектын ойлымыжым терген. Конкурсышто 5 номинаций лийын.
«Самырык туныктышо» лӱмым Волжск оласе 6-шо номеран школышто математике да физикым туныктышо Александр Сергеевич Николаев налын, «Самырык воспитатель» лӱм дене Йошкар-Оласе 52-шо №-ан школын педагог-психологшо Валентина Федоровна Шуваева палемдалтын, «Самырык класс вуйлатыше» ‒ А.Пушкин лӱмеш 4-ше №-ан гимназийын англичан йылмым туныктышо Дарья Михайловна Иванова. Конкурсын абсолютный сеҥышыже ‒ Йошкар-Оласе А.Пушкин лӱмеш 4-ше №-ан гимназийын математике дене туныктышыжо Надежда Николаевна Лебедева.
(Марий Элысе Туныктыш министерствын сайтше гыч фото)