Марий Эл «Эстафета Победителей» кугу проектыш ушна. Тудым Марий Элын Вуйлатышыже Юрий Зайцев сайлан шотлен. Тудын ик кугу этапше ‒ «Отец Героя» фотовыставке. Тудо специальный военный операцийын сарзыеҥыштын ачаштлан пӧлеклалтеш. Тӱҥ верым эрге-влакым герой семын куштышо боевой действийын ветеранже-влакын портретыштым ончыктымаш налеш. Ача да эрге коклаште кыл посна палдырна.Ик эн ончыч проектышке Эдуард Радикович Шаймарданов, Сергей Петрович Шучин, Арсентий Георгиевич Крылов, Андрей Аркадьевич Чемоданов ушнат.
Сеҥымаш кече вашеш выставке Кугу Отчественный сарыште кредалше коча але кова-влакын уныкашт ‒ СВО-н участникше-влакын портерышт дене пойдаралтеш.
(Фотом Юрий Зайцевын лаштыкше гыч налме)