Российын Президентше Владимир Путин телефон да интернет мошенничестве дене кучедалме законым пеҥгыдемден. Ынде, тӱшкан йыҥгырташ, дистанционно сим-карте-влакым оформитлаш огеш лий. Тыгак компаний-влак дечын телефон йыҥгыр-влак маркироватлалтшаш улыт, а микрозаймым биометрический данный дене веле налаш лиеш.
Марий Элыште илыше да нунын родо-тукымышт деке кеч ик гана телефон мошенник-влак йыҥгыртеныт. 2024 ийыште регионысо информационный технологий дене кылдалтше преступлений-влакын чотышт 67% шукемыныт. Теният тиде аралалт кодын. Мартыште киберпреступлений-влак 8,8% шукемыныт. Эҥгек 16 миллион теҥге лийын. Ушештарена, «Госуслуги» порталыште кредитым оформитлаш чарымашым шындаш лиеш. Тыгак еҥ-влак тудым кеч-могай жапыште шкешт кораҥден кертыт.