Тудо Кугу Руясола ялысе Рӱдӧ урем гыч Ужар урем марте, а тушечын Изи Руясола ялысе Садовый урем марте эрта. Пашам ышташ контрактым тений мартыште пеҥгыдемденыт. У корно 1 километрат 700 метр кужытан, чумыр пашалан 63 миллин теҥге ойыралтеш.
Объектым 2025 ий сентябрь марте ыштен шуктышаш улыт. Кызыт корно пашаеҥ-влак пашам тӱҥалаш ямдылалтыт, пундыш-влакым луктыт, мландым тӧремдат. Транспорт министерстве палдара, Юрий Зайцевын кӱштымашыже дене ик корно ужашыш асфальтобетоным шарат.