Ялозанлык комплекслан полыш семын 238 миллион теҥгем ойыреныт.
Тидын дене шошо агам эртарыме йодышлан пӧлеклалтше Россий кӱкшытан совещанийыште палдареныт. Тудым Россий Правительстве председательын алмаштышыже Дмитрий Патрушев эртарен. Тудын пашашкыже Марий Элын Вуйлатышыже Юрий Зайцев ушнен.
Республикылан 238 миллион теҥгем колтеныт, тыгак 464 миллион теҥгелан 9 льгот кредитым ойыреныт. Тений икияш пырчан культурым 174 тӱжем гектарыште ӱдышаш улыт. Тений шошым чылаже 313 тӱжем гектарыште пачаскаскам, пырчан да отызан культурым, кургым шындышаш улыт. Тидлан 25 тӱжем тонн пырчым, 9 тӱжем утла тонн минерал ӱяҥдышым ямдыленыт. 2025 ийыште 123 единице техникым 550 миллион теҥгелан налыныт. Тыге республикыште трактор-влакын чотышт 1815 шуын, 555 сеялке пасулашке лекташ ямде.