Юрий Зайцев «Единая Россия» партийын генсоветын секретарьже Владимир Якушев дене вашлийын.
Партийын «Новая школа» проектше дене 2024 ийыште Руэм поселкышто 725 верлан да Йошкар-Олаште 1100 верлан школ-влакым ыштен шуктеныт. 2025 ийыште 9 районысо школлаште 10 зданийым тӧрлышаш улыт. Тыгак йочасад да техникум-влакын инфраструктурыштым уэмдат. Тидлан 1 миллиард наре теҥге ойыралтын.
Республике СВО участник да нунын ешыштлан полша: ик гана 3 миллион теҥге ойыралтеш , тыгодым 2 миллионат 600 тӱжем теҥгем регион, 400 тӱжем теҥгем Обороно министерстве ойыра. Республикыште ветеран-влаклан пашам муаш да карьерым ышташ «Герои Марий Эл. Талешке-влак» программе уло. Тидын дене пырля 50 утла социал полыш ойыралтеш. 1 апрель гыч СВО участник да нунын ешыштын йодышыштлан вашештыше чат-бот сутка мучко пашам ышта.