Марий Эл гыч тунемше-влак Россий олимпиадыште сай шинчымашым ончыктат.
Бауманский лицейын тунемшыже Федор Михеев физический культур предмет дене Российысе олимпиадын призержо лийын.
Тудо Якутскышто эртен, тушко 81 регион гыч 292 тунемше ушнен. Олимпиадын программыштыже теоретический да практике шинчымашым тергымаш, тыгак кӱзым кышкымаш да нарты гоч тӧрштылмаш лийын.
Тений Марий Элысе тунемше-влакын олимпиадыште тиде нылымше сеҥымашышт. Марий Элын Вуйлатышыже Юрий Зайцев шке социал лаштыкыштыже Федор да тудын наставникше Ирина Вячеславовнам саламлен.