Марий Элыште Изи Какшан эҥерым аралаш 160 миллион теҥгем ойырат.
Лишыл кум ийыште тиде проектым илышыш пуртат. Оксам федерал бюджет гыч ойырат.
Ушештарена, 2023 ий гыч Изи Какшаным эрыкташ тӱҥалыныт. Тиде проект вӱд объектым аралаш келыштаралтын, тудо 2027 ий марте шуйна. Проектым ончылгоч 2025 ийыште мучашлаш Марий Элын Правительствыже Росводресурсыш йодмаш дене ешартыш финансированийым ойыраш лектын.