Марий Элыште образований сферысе инфраструктурын модернизацийже нерген ойленыт.
Юрий Зайцев тиде йодышым Российын просвещений министрже Сергей Кравцов дене каҥашен. Тений республикыште «Молодежь и дети» нацпроект дене 9 школым капитально ачалат. 1 август марте тунемме вер-влак ямде улыт.
«Йочасад да школ-влакым уэмдыме паша ончыл верыште», - палемден Юрий Зайцев. «Еш» нацпроект дене тений Марий Турек да Волжскышто йочасадым тӧрлат. Кокла профобразований тӧнежлаште корпусым да тӱшкагудым ачалаш 309 миллион теҥге ойыралтын. 2027 ий марте Йошкар-Оласе 9А микрорайонышто у школым чоҥен шуктат. Кызыт тушто печым печеныт, техникым конденыт, лишыл жапыште паша тӱҥалеш. Ушештарена, кодшо ийын республике профильный математикым иктешлыше экзаменыште сдатлыме дене российысе рейтиныште ончыл верыште лийын.