С.Чавайн лӱмеш калыкле книгагудышто «Эн сай книгагудо» конкурсым иктешленыт. Книагагудо пашаеҥ-влакым Марий Элысе Правительстве Председательын алмаштышыже – тӱвыра, печать да калык-влакын пашашт шотышто министр Константин Иванов, Марий Эл Кугыжаныш Погын председательын икымше алмаштышыже Лариса Яковлева саламленыт.
«Патриот воспитаний» виктышыште пашам ыштыше книгагудо номинацийыште Эмеково библиотекым саламленыт,
«Еш-влаклан тӱткышым ойырышо» номинацийыште Йошкар-Олан рӱдӧ йоча библиотекыже ойыртемалтын.
«Самырык-влакын шонымашыштым шуктышо» виктышыште К.Васин лӱмеш Шернур рӱдӧ библиотекым палемденыт, тыгак моло номинацийыште ойыртемалтше-влакым саламленыт.