Юрий Зайцев Козьмодемьянскыште «Потенциал» заводын пашажым аклен.
2023 ий гыч «Систэм Электрик» акционер ушем дене келшымаш ышталтын, тушко ты предприятий пура. 2024 ийыште инвестиций кугыт 618 миллион теҥгеш шуын. Тудын дене модернизаций да оборудованийым уэмдыме, производствым кумдаҥдыме да социал программе дене кылдалтше 30 проектым илышыш пуртеныт. Завод «Ушан» розетке да выключатель-влакым ышташ тӱҥалын. Тений «Потенциал» оборудованийым уэмдаш да производствын автоматизацийжылан 600 миллион теҥгем колта.