Марий Элын Вуйлатышыже Юрий Зайцев Москваште самырык-влакын пашашт шотышто федерал агентствын вуйлатышыже Григорий Александрович Гуров дене вашлийын.
Нуно регионышто самырык-влакын политикыштым вияҥдыме шотышто мутланеныт. Марий Эл «Регион для молодых » Российысе конкурсын очный этапышкыже ушнаш йодмашым колтен. Тудын дене келшышын, инфраструктурым уэмдаш, самырык-влак дене пашам ыштыше специалист-влакым ямдылаш, уверым шараш да мероприятийым эртараш палемда. Республике тиде конкурсыш кажне ийын ушна.
3 ийыште 317 миллион теҥгем федерал бюджет гыч ойыреныт. Марий Элыште 165 тӱжем самырык еҥ ила, нунылан у рӱдерым почыт, усталыкыштлан полшаш грантым да премийым пуат, туныктымашым да спортым вияҥдат.