Йошкар-Олаште у, кызытсе жаплан келшен толшо фиджитал-рӱдерым чоҥат.
Марий Элын Вуйлатышыже Юрий Зайцев правительствын резерв фондшо гыч 50 миллион теҥгем ойыраш кӱштен.
Тиде проет «Бизнес-спринт» федерал проект дене келшышын илышыш пура.
Ушештарена, фиджитал виктышым вияҥдыме нерген 2024 ийыште Дмитрий Чернышенко толын кайымыже дечын вара рашемдыме. У фиджитал-рӱдер «Марий Эл» ий полат воктене лиеш. Тушто самырык-влакын йодмашыштым шотыш налын, спорт дене кылым кучаш эшеат сай йӧным ышта.