Марий Эл гыч команде-влак Пенза олаште эртаралтше «Школа безопасности» россий кӱкшытан таҥасымаште кумшо верыш лектыныт.
Тидын нерген регион вуйлатыше социал воткыл лаштыкыштыже возен. Мемнан республик гыч ӱдыр-рвезе-влак препятствий полосам, пожарный эстафетым эртеныт, моло таҥасымашке ушненыт. Тушко чылаже 13 регион гыч 18 команде толын. Тиде таҥасымаш утарыше да пожарым йӧртышын престижшым кугемда да самырык-влакым лӱдыкшыдымылыкым эскераш туныкта.