Тидын нерген Марий гидрометеорологий рӱдер палдара. Тыгодым йырюжын темдыме куатше эркын волаш тӱҥалеш, верын-верын южо кундемыште йӱр лийын кертеш, йӱдым да эрдене тӱтыра налеш. Южын температурыжо йӱдым 4 гыч 9 градус марте, йӱдвел да эрвел районлаште 1 гыч 3 градус марте, кечывалым 14 гыч 16 градус марте. Арня мучашлан йӱдвел атлантике гыч толшо циклон Российын рӱдӧ ужашышкыже толын шуэш, верын-верын йӱр лийын кертеш. Кечывалым южын кокла температуржо 11-12 градус наре лиеш. Йошкар-Оласе метеостанцийын уверже дене, историйыште эн леве октябрь 1999 ийыште лийын, тунам кокла температур 19-21 градусыш шуын, эн йӱштӧ 1998 ийыште 2 гыч 8 градус марте. 1976 ийыште теле эр толын, тудо ийын 9 октябрьыште лум возын да теле мучко шулен огыл.