Йошкар-Оласе ныл школым шушаш ийыште капитально тӧрлат. Тидлан 445 миллион теҥге ойыралтеш. Пашам Марий Эл виктерын, тыгак «Молодежь и дети» нацпроектын полшымыжо дене ыштат. Рӱдолаште 14, 16, 23 да 27 номеран школ-влакым капитально тӧрлат. Тидын нерген мэрын пашажым жаплан шуктышо Антон Трудинов социал воткыл лаштыкыштыже возен.
Йошкар-Олаште тыгак 9А микрорайонышто школым чоҥат, тыгак 6-шо микрорайонышто чоҥаш тӱҥалшаш улыт. Тений 9 микрорайонышто 23 школ, тыгак 72 да 65 номеран йочасад-влак воктене асфальтьым уэмденыт, тыгак Бауман да Строитель уремлаште тротуарым ыштеныт.