Тидын нерген мэрын пашажым жаплан шуктышо Антон Трудинов возен. Паркыште электрификаций шукталтеш. Марий паркыште эше сем да увер-влак йоҥгышт манын, радиофикацийым ыштат.
«Марий калыкын легендыже-влак» фестиваль жапыште ыштыме скульптур-влакым аллейыш вераҥденыт, тудымат саемдат, тидлан йолешке-влакын коштмо верышкышт брусчаткым оптат. Тыгак Марий паркыште эше ик арт-объект лиеш. Тиде пу гыч ыштыме Онаеҥын скульптуржо.