Тудо Эҥыжсолаште лиеш. Инвестиций проектым илышыш пуртымо пашам регион вуйлатыше Юрий Зайцев аклен. Тудо ты районыш миен, тыгак «Искра» озанлыкын пашаже дене палыме лийын. Вуйлатыше палемден, вес ийын озанлык республикын социал-экономике вияҥмашыже шотышто индивидуальный программыш ушнышаш.
Проект дене 144 вуй ушкалым ончаш кок вӱтам, нуным лӱшташ блокым ыштышаш улыт. Инвестиций проектын кугытшо – 100 миллион теҥге, тышечын 80-же – лизинг йӧн дене займыш налме шийвундо.
Проектым 2025-2026 ийыште илышыш пуртышаш улыт. Комплексыште 10 у паша вер лиеш. Кызыт площадкыште негызым ыштеныт, ончыкылык ферме-влакын каркасыштым ыштеныт.