Республикыште шуко пачеран пӧртлаште капитально ачалымаш пашам шуктымо планым пеҥгыдемденыт

Тудын радамыш Йошкар-Ола, Волжск да Козьмодемьянск, тыгак Звенигово, Медведево, Советский да моло район-влак пуреныт. 2026 ийыште шуко пачеран 92 пӧртым тӧрлышаш улыт, 10 тӱжем утла еҥын илыме условийже саемеш. Вес ийын капитально тӧрлаш палемдыме пӧрт-влакын реестрыштым у семын аклаш тӱҥалыт. Тудым пӧртын технический состоянийже дене келшышын ыштат.