Тушко самырык самодеятельный автор да мурызо-влак ушненыт. Участник-влакым икмыняр номинацийыште акленыт.
Гармоньым Шернур район Кугу Пӱнчер ял гыч Кирил Новоселовлан кучыктеныт. Гитарым Советский кундемыште шочшо - Алексей Пуртовлан СВО-шко колтеныт. Тудо фестиваль-конкурсыш онлайн ушнен. Акустический системым Шернур кундем гыч Александр Коноваловлан кучыктеныт. Тудо гармонь да гитар дене шоктен мурымо кок номинацийыште шкенжым терген. «Чоным почын мурена проект» деч мурым возаш премийым Параньга кундем гыч Алексей Сунгуров сулен налын.