Йошкар-Оласе уремлаште ужалкалыме вер-влакым закондымын вераҥдымым, ужалыме правилым тергат

Йошкар-Оласе уремлаште ужалкалыме вер-влакым закондымын вераҥдымым, ужалыме правилым тергат. Йошкар-Ола администрацийын специалистше- влак полиций пашаеҥ-шамыч дене пырля арня еда оласе уремлаште рейдым эртарат.  Мэрийыште палемдат, урем, площадь, парк, сквер, моло тӱшка верлаште тӱрлӧ киоскым, палаткым, тележкым, лотокым вераҥдымылан административный штрафым пуат. Тыглай еҥ-влак 1000 гыч 3000 теҥге марте луктын пыштат. Уэш тиде пашам ыштат гын, 3000 гыч 5000 теҥге марте тӱлат. Кодшо кечылаште тыгай еҥ-влак шотышто 235 протоколым возымо. Рейд- влак умбакыже шуйнат.