Тиде техникум ялозанлык отрасльлан специалист-влакым ямдыла. Тушто у мастерской-влакым ыштеныт, нуно оборудований дене пойдарыме улыт.
Йоча-влаклан тунемаш веле огыл, тыгак спорт дене кылым кучаш, тӱвыра да спорт мероприятийыш ушнаш сайрак лийже манын, 14 миллион теҥге спорт да актовый залым тӧрлаш ойыралтын.
Тений республикыште кокла профессионал образований системысе учреждений-влакым тӧрлаш 130 миллион теҥге палемдалтын. Тиде окса дене 4 техникумышто мастерской-влакым ыштеныт, тыгак 3 зданийыште – леведышым, ик бассейным да спорт зал-влакым тӧрленыт.