Тудо «Марий Эл» ий полатыште эрта. Чыла кумылан-влак матчыш яра пурен кертыт.
Спорт министерствын палдарымыже дене, следж-хоккей – тиде тазалык дене эмганыше-влаклан келыштарыме хоккейын видше. Спортсмен-влак ий ӱмбаке лӱмын келыштарыме «следж» дене лектыт.
Марий Элын командыжымат тиде матчыште ужын кертына. Командыште спецоперацийын участникше-влак улыт. Марий Эл дечын турнирыште «Ратник» команде модеш.