Россий кӱртньыгорнын пресс-службыштыжо палдарат, пайрем поезд 70 утла олаште шогалеш. 21 декабрьыште тудым Ульяновскышто вашлийыт, 22 декабрьыште – Озаҥыште, а вара Йошкар-Олаште.
Путешествий Великий Устюгышто 11 январьыште мучашлалтеш. Вокзалыште уна-влаклан анимационный программе лиеш. Кугу олалаште тыгак Йӱштӧ Кугызан куснылшо резеденцийжым ужаш лиеш. Тыгак икмыняр тематике вагон пашам ышта. Тушко билетым налын пурыман.