Марий Элын Вуйлатышыже Юрий Зайцев СВО-н ветеранже, шуко шочшан ача Николай Глуховлан кид дене виктарыме автомашинам пайремлын кучыктен.
Тиде – тазалык дене эмганыше-влаклан келыштарыме «Москвич». «Защитники Отечества» фондын председательже Анна Цивилева дечын пурышо тиде инициативым 2024 ийыште Россий Президент Владимир Путин сайлан шотлен. Нелын сусыргышо ветеран-влаклан фонд транспортым ойыраш тӱҥалеш. Тачысе кечын элыште ветеран-влаклан 400 наре тыгай автомашинам пуэныт, идалык мучаш марте эше 500 еҥлан пуат.
Ушештарена, Марий Эл Вуйлатыше Юрий Зайцевын полшымыжо дене ветеран-влак кид дене машинам виктараш Марий политехнический техникумышто тунемыт, икымше курс сентябрьыште тӱҥалын, а октябрь гыч кокымшо тӱшка тунемеш.