Тений конкурсыш 98 йодмаш пурен, тышечын 16-шым эксперт-влак кӱкшын акленыт.
«Личность» категорийыште «Идалыкын волонтержылан» Волжск гыч «Поколение» отрядын вуйлатышыже Егор Развалов шотлалтын. «Идалыкын наставникше» семын Коркатово лицейын «Морко шӱшпык» волонтер ушемын вуйлатышыже Валентина Николаевна Васильевам палемденыт. «Герой нашего времени» – Светлана Домрачева. Тудын проектшым премийын комиссийыже кӱкшын аклен.
«Мы вместе» премийым 2021 ий гыч пуат. Тиде жапыште тудо поро пашам ыштыше, волонтер-влакым ушен. Регионысо этапыште сеҥыше-влакым Марий Элын Вуйлатышыже Юрий Зайцев саламлен.