Тудын деке ятыр еҥ йодыш дене толын. Калыкын йодмыжо почеш Волжский районысо Кугу Порат школ пелен ГТО нормативым сдатлаш площадкым ыштат. Юрино поселкышто Шереметев усадьбе ансамбльын ик зданийжым «Еш» нацпроект дене тӧрлат да тушто тӱвыра пӧртым ыштат. Федерал субсидий 70 миллион теҥгеш шуэш.
«Инфраструктура для жизни» нацпроект дене Параньга районысо Элпанур ялыш пурымо, тыгак Волжский районышто Черкысола-Пызырьгуп корным ыштат. Йошкар-Олаште илышым тротуарым ыштыме йодыш тургыжландарен. Тиде пашам 2022 ий гыч ыштат, кажне ийын 100 миллион теҥге ойыралтеш.