Республикысе районлаште добровольческий рӱдер-влакым ыштат

Республикысе районлаште добровольческий рӱдер-влакым ыштат. План дене нуным вес ийын Медведево, Морко, Советский, Звенигово районлаште, тыгак Волжск да Козьмодемьянск олаште ыштат. Самырык-влакын политике, спорт да туризм министерствыште палдарыме дене, нине рӱдер-влак тазалык дене эмганен вияҥше йоча, кугурак ийготан да неле илыш ситуацийышке логалше-влаклан полшат. Районлаште проект-влакым «Регион добрых дел» российысе конкурсышто сеҥымашлан кӧра, илышышке шыҥдараш йӧн лектын.