Марий Элын школжо-влак Российыште ик эн ойыртемалтше радамыште улыт

Федерал аклымаш дене 3 школ «Школа с высокими образовательными результатами» ойыртем тамга дене палемдалтын. Тиде спискыш Российын 63 регионжо гыч 330 тунемме вер пурталтын. Тиде знак-влакым школ-влакын сайтыштышт вераҥдат. Ты радамыште – Йошкар-Оласе Бауманский лицей, Политехнический лицей-интернат, «Инфотех» лицей. Козьмодемьянскысе «Дарование» школ-интернат, Йошкар-Оласе 11-ше номеран лицей «Школа высокой культуры оценивания» знак дене палемдалтыныт.